اسكريبت بقلم سمية عبدالسلام

تكمل معاه المغامرات دي و بعدين بتفهم ان الحياة ملهاش لازمة لو مخطرناش و جربنا كل حاجة جديدة و ان المغامرة الحقيقية بتبدأ لما نتخلص من حاجز الخۏف اللي جوانا ومانع اننا نجرب اي حاجة جديدة
اسمك اي
استغربت و قلت
ملك
خلاص حلينا المشكلة البطلة يكون اسمها ملك
لأ بس انا مافكرتش استخدم اسمي قبل كده في رواياتي الإلكتروني ماكنتش حابة ده
المفروض انك كاتبة ولازم تعيشي تفاصيل الشخصية عشان تعرفي توصفيها صح
ماشي كده حلينا نص المشكلة و اختارنا اسم البطلة طب اسم البطل هيكون اي
زين
زين ده اللي هو انت صح
شاور براسه بمعنى ايوة وهو مبتسم
و انا اي يخليني اسمي البطل على أسمك
ابتسم بعد ما اخد اخر بوق في الفنجان و قال
عشان ملك مش هيليق معاها اسم حد تاني غير زين
مش عارفة ليه حسيت انه بيتكلم عني انا مش عن ملك بطلة الرواية بس انا حبيت اضايقه بسبب نظراته و طريقته وهو بيقولها بكل ثقة
بالعكس اسم ملك اي اسم تاني ممكن يليق عليه زي آدم مثلا
تؤ تؤ زين احلى حتى هي كمان عاجبها الإسم اوي بس بتجادل
اتوترت و بلعت ريقي و قلت بجمود
مين دي
وقف وقال
ملك
اتعصبت وكنت لسه هفتح بوقي عشان اثبت له انه غلط كان سبقني هو وقال
أهدي انا قصدي ملك بطلة الرواية سلام
همست وانا شيفاه بيبعد
سلام
______
ها قررتي هتسمي الأبطال اي يا ملك
هسميهم ملك و زين
ابتسمت سارة صحبتي وقالت
تعرفي ان الاسمين لايقين مع بعض اوي بس ثانية واحدة انت مش قلتي انك مش حابة تستخدمي اسمك في الرواية
ابتسمت و انا برد عليها رد زين
عشان انا كاتبة ولازم اعيش تفاصيل الشخصية عشان اعرف اوصفها و لما استخدم اسمي هحس بيها اكتر خصوصا ان الرواية تصنفيها واقعي
____
كنت واقفة في المعروض والناس حوليا كلهم عايزين توقيعي على الكتاب ماكنتش متخيلة كم النجاح اللي انا شيفاه ده كنت مبسوطة بس مش عارفة كنت حاسة في حاجة ناقصة حاجة زي ما يكون...زين!
شفته كان واقف بعيد شوية بيتكلم مع حد وبعدين بصلي هربت بعيني و عملت نفسي مش شيفاه.
بت يا
ملك في واحد موز ماسك كتابك و جاي نحيتنا شكله عايز توقيعك
خبطت سارة و قلتها تتلم وبعدين سمعته بيقول
مش قلت لك اسم زين احلى
على فكرة الاسم مش عاجبني يمكن دي واحدة من عيوب الرواية
سارة بصت لي برفعة حاجب و انا بصت لها بأستعطاف انها ما تتكلمش بس الغبي غبي
مش عاجبك اي ده انت خيلتينا في البيت كل شوية زين و ملك
اتحرجت وبصلته بطرف عيني لقيته ماسك الضحكة بالعافية حاولت اداري على ده بعصبيتي و انا بقوله
انت اي اللي جابك اصلا
الله يعني محضرش حفل توقيع كتاب اسم البطل على اسمي
هنا سارة فهمت ان ده زين اللي حكت لها عنها لأنها كانت شاكة من