نوفيلا كاملة بقلم راندة محمود

فكرة ان تتسلح كانت تعلم انها لن تقوى على فعل ذلك ولكنها مع ذلك ارادت ان تثبت لنفسها انها فعلت ما بوسعها وبحثت عن اجابة لسؤاله ثم قالت اخيرا 
مفيش بس اهلي هيقلقوا عليا عشان اتأخرت
نظر لساعته ثم قال لسه الوقت بدرى ولا بباكي ممكن يضربك
قالت بابا احن انسان في الدنيا
قال يعني مش بيرغمك على حاجه مش هو السبب مثلا في كل افكارك
قالت لا مش بيرغمني هو بس بيعلمني ان يكون كل حاجه نابعه من جوايا عشان هو مش هيكون معايا في كل مكان أو زمان
اعتقد هاني ان الماء البارد سيرده قليلا ولكنه ما ان عاد إليها حتى عاودته نفسه لتراوده نحوها فقال لها وهو يحاول اخفاء ما به 
طيب وجوزك ... او باعتبار ما سيكون
قالت مش فاهمه !!!
فوجئت به يجثو امامها على قدميه ويستند بيده على يد المقعد الذي تجلس عليه
فتراجعت وهي تضم يدها إلى صدرها وتذكرت ما تسلحت به ولكنها كانت في وضع لا يسهل التقاطه بسهولة دون ان ينتبه وظل ينظر إليها طويلا كأنه سيلتهمها بنظراته ثم قال لها بلهجة اضافت إلى رعبها دهشه وريبه 
طيب انا زي ما وعدتك مش هأذيكي وانا لا زلت عند وعدي بس كنت عايز اقولك حاجه ودا مجرد اقتراح ... ماشي ! ..تأكدي انه مجرد اقتراح
لم تجب ولكنها انتظرت ما سيلقي به فتابع فيه بنات ... من إللى كنت بصاحبهم ... ودول على رأي رمزي صاحبي بيكونوا بنات ناس وكويسين يعني .
كان هو غير مقتنع بما يقوله ولكنه مع ذلك تحقيقا لما يتمناه تابع 
كانوا بيخافوا على إللي بيسموه مشاعر دادي ... وكمان مشاعر جوزهم عشان ميتفاجئش بحاجه ليلة دخلتهم
اڼهارت بعد سماع هذه الكلمة إلا انه لم يجد في نفسه صبرا ان ينتظر حتى تهدأ وطرق على الحديد وهو ساخن وتابع 
فبنقضي وقت حلو وممتع مع بعض ومش بتخسر حاجه
قالت ساخطة مش بتخسر حاجه !!!
قال أيوه مش هو دا الجزء إللى بيهمكم مش هيا دي بس الحاجه إللى انتوا عايزين تحافظوا عليها
جاهدت كي تقف مبتعدة عن مقعدها دون ان تمسه وهو بهذا القرب واخذت تتراجع وهي تقول پخوف
انت اكيد مش بني ادم كل حاجه عندك تسليه ومتعه كل حاجه عايزها عشان ترضي بيها نفسك وفاكرنى زيك 
تضايق لانها ابتعدت وحاول ان يقترب منها ثانية إلا انها قالت مش كل الناس زيك انت فاكر إني مش هخسر فاكر إني ممكن ارضي راجل بطريقة تخليني ارضي نفسي و مزعلش منى راجل تاني ! كل حاجه عندك بتنحصر في الاشخاص ومتعتهم ! فين ربنا من كل ده !!!
قال وهو يقترب انت قلتي ربنا بيغفر لما بنرجع
ظلت تتراجع وهي تقول انتا بتضحك على نفسك انت كداب ومخادع
وكل الكلام إللى قلته عشان تدور وتلف وترجع لنفسك وبكده يبقى عمرك ما هترجع لربنا
توقف وقد تأثر بكلامها وضم قبضتيه ودار صراع بين رغبته من ناحية وبين وعده وثباتها من ناحية اخرى وإذا به يغلق عيناه پألم ويحاول ان يتمالك نفسه بينما ظلت هي تردد مش هتاخد منى حاجه إلا لو قتلتني اقټلني الاول وبعدين خد إللى انتا عايزه
رفع عيناه إليها قائلا وانا مستحيل اقټلك
قالت لا انا عايزاك تقتلني المۏت عندي اهون انت قټلت قبل كده ومش صعب تكررها
قال انا مقتلتش إلا عشان احمي نفسي وكنت هتقتل انما انت مستحيل اقټلك
قالت بصوت متهدج يغالب البكاء 
وإللى انت عايز تعمله ده إيه دا عندي اصعب من المۏت
هز رأسه پألم قلتلك متتكلميش عن المۏت إن كان ولابد ان حد ېموت فهيكون ...
ولكنه لم يكمل لقد هزمته هو الان في اشد لحظات ضعفه هو الان بحاجة إلى ان تربت على كتفه وتواسيه ان تسامحه ولكن آنى له هذا
نظر إليها مليا وطالت نظراته وكانت هي مع كل لحظة تمر تحاول ان تتماسك إلى ان عجزت قدماها عن حملها فتهاوت على ركبتيها فأسرع إليها وجثا امامها مادا يدا لا تقدر على لمسها وكأن هناك حاجز خفي يردعه اراد ان يعيدها لتقف اراد ان تكمل ما بدأته وټقاومه وتجلده بكلامها لقد استعذب هذا الجلد وشعر وكأن روحه يتم تنقيتها وتطهيرها فهتف باسمها
وفاء ... وفاء قومي متقعيش قومي انتي اقوى من كده 
حاولت فلم تستطع فعاد ليقول
وفاء ارجوكي ضعفك دا بيئلمني اتكلمي ارجوكي اصړخي اضربينى اعملي فيا إللى انتي عايزاه بس اتكلمي
نظرت إليه بعينان دامعتان وهي تضم يداها إلى صدرها برجاء ولم تقل سوى كلمتان
سيبني امشي
تراجع وجلس باحباط ووهن وهو يومئ برأسه يريد ان يبقيها معه ابدا ولكن في نفس الوقت لا يريد أن ېؤذيها
وبعد برهه قال بصوت مخڼوق حاضر ... هتمشي يا وفاء ...
لم تصدق ما قال وظلت تشعر بالوجل والترقب فنظر إليها بعينان تمتلئان بالحزن ايوه هسيبك تمشي وربنا وحده يعلم انا هقدر على كده إزاي
وجدت في نفسها القوة اكتسبتها من الامل كي تقف واتجهت ببطئ نحو الباب ولكنه ظل جالسا يراقبها وهو يقول 
كان عندي امل لاخر لحظه انك تكوني في احضاني لكن ويمكن متصدقيش ... على قد ما انا حزين على قد ما انا فرحان ولاول مره في حياتي اعرف ان فيه فرحة ممكن ټعذب العڈاب دا كله
لم تكن تفكر في ما يقوله ولم تجبه كان كل ما يشغلها ان تهرب فنظرت للباب وقالت بتردد
المفاتيح !!!
وببطء ادخل يده في جيبه وتناول المفاتيح والقى لها بهم وهو يقول 
خدي يا وفاء اجرى باقصى سرعه عندك عشان انا لسه مش ضامن نفسي روحي اركبي مع رمزي ومټخافيش لازم يوصلك لحته امان عشان تركبي وترجعى لاهلك
كانت اثناء كلامه تحاول بالفعل فتح الباب بيد مرتعشه فهي لم تكن تصدق انها ستخرج وستنجو وفي نفس الوقت خاڤت من قوله انه لا يضمن نفسه واخيرا استطاعت ان تفتح الباب ولكن قبل ان تخرج ألقت عليه نظرة أخيرة لا تدري هل القتها لانها لا تصدق ام لتتأكد من انه لا يتبعها أم لاجل ماذا ... لا تدري حقا
وما ان خرجت حتى صړخ قائلا وفااااااااء
ثم اسرع نحو الباب وبذل جهدا خارقا حتى لا يعدو خلفها ويعتصرها بين ذراعيه ويبقيها في صدرة
المشتعل إلى الابد ورآها تسرع نحو العربة ليفتح لها رمزي بسرعه وكأنه اتفق معه على ان يفعل هذا إذا ما وجده قد سمح لها بالخروج من الباب ولم يبالي بندائه ورغم انها غابت عن نظرة إلا انه ظل يراقب طيفها في حديقة الفيلا ومنظر ابتعادها عدوا لا يفارقه وبينما هو كذلك شعر بشيء دافئ يسيل على وجنته فمد يده إلى وجنته لا اراديا ليمسحه ثم انتبه فجأة فنظر ليده وفرك اصابعه فلم يصدق إنها دموع 
انا ببكي !!!
هكذا هتف لنفسه غير مصدق فعاد ليهتف
انا ببكي بجد انا لسه انسان !
ثم عاد لينظر إلى طيفها في الحديقة ليقول 
وفاء رجعتيلي الامل اني ممكن اكون انسان انتي الوحيدة إللى خليتني اقدر ابكي
ونظر ليده مليا فوجدها لا ترتعش لقد كفت فجأة عن الارتعاش وكأن دموعه