الفصل الحادي والاربعين من أذناب الماضي بقلم روز أمين
المحتويات
هو فيه حلاوة كده
أه فيه قالتها بممازحة وتابعت وهي تشير على حالها
أنا
ضحك كلاهما ورقصت بصحبة شقيقها بسعادة أما يوسف فتشابك بكفيه مع تاج وزينة والصغيرة نور ومالك الذي رقص كثيرا بمرح ثم انتقل ليشارك العروس الرقص هو ونور على الطاولة الخاصة بسيادة المستشار علام زين الدين وعصمت التي كانت تنظر لحفيدتها بأعين تفيض بالحنان تحدث فؤاد الذي حضر وحاوط كتفي زين المجاور لجده
ما تقوم يا حبيبي ترقص مع اخواتك
أجابه باحترام ووقار
معلش يا بابي حضرتك عارف أنا مبحبش الأجواء دي
نطق علام
أنا لسه قايل له نفس كلامك بس حفيدي محترم وملوش في الكلام ده
ابتسم الفتى لجده بينما ربت فؤاد على كتف نجله حضرت إيثار وبيدها علبة صغيرة ناولتها إلى علام وهي تقول
ميعاد الدوا بتاع حضرتك يا بابا
أخذه منها وناولته كأسا من الماء العذب ليرتشفه وراء الدواء نطق وهي تتناول من يده الكأس
تسلم ايدك يا بنتي
بالشفا يا حبيبي وتابعت لنجلها
ما تقوم يا زين تفرح مع اخواتك
أجابتها عصمت
ريحي نفسك لسه جده وبباه قايلين له نفس الكلام
سبيه براحته يا حبيبي قالها فؤاد ليتابع بجدية
تعالي معايا نرحب بظباط جهاز المخابرات ونشوف لو ناقصهم حاجة
باغته علام بسؤاله
هو اللي اسمه ياسين المغربي ده رتبته إيه يا فؤاد
معرفش يا باشا ولا يوسف نفسه يعرف وتابع مسترسلا
جهاز المخابرات رتب رجالته بتبقى سرية حتى عن عائلاتهم ومش مسموح لهم بالإفشاء عنها ولا عن مهماتهم تحسبا لأمانهم
واستطرد بتقييم
بس على ما أظن الراجل ده رتبته عاليه لأن الجهاز أسند له مهمة متابعة مشروع يوسف وزي ما حضرتك عارف أهمية المشروع بالنسبة لتطوير الطيران الحړبي
نطق علام وهو يقيم ياسين الجالس بطاولته
هو شكله فعلا حد مهم بس تحسه لئيم ومش سهل
ابتسم فؤاد يجيب والده
سعادتك ده رتبة في المخابرات الحړبية يعني اللؤم والخبث والدهاء أساس شغلهم اللي عرفته من يوسف إنه نازل في الفندق على أساس إنه رجل أعمال
على طاولة ياسين المغربي
اقبل فؤاد بصحبة الجميلة ذات الرداء النبيذي تحدث بتوقيرا لشخص فؤاد
نورتنا ياسين باشا
نطق بهدوء واحترام
ده نورك يا سيادة المستشار
وتابع موجها حديثه إلى إيثار
ألف مبروك لحضرة الظابط يا مدام
ميرسي يا افندم
نطقت أيضا مليكة بابتسامة ساحرة
اللون النبيتي يجنن عليك يا مدام بالمناسبة حضرتك مش باين عليك إنك أم العريس أبدا
ميرسي على المجاملة اللطيفة دي يا افندم شكرتها بتلك الكلمات بينما كظم فؤاد غضبه حين لاحت بمخيلته أن الرجال الحاضرين من الممكن أن يلاحظوا هم الأخرين جمال اللون على خليلة روحه تضخمت مشاعر الغيرة لديه بعدما أكدت أيسل على حديث زوجة أبيها
مليكة هانم عندها حق شكلك يقول إنك ببداية التلاتين
تبسمت وشكرت كلتاهما في حين تحدث فؤاد
لو احتجتم أي حاجة ياريت تبلغوني
انسحب الثنائي وتحدثت أيسل إلى كارم
دي الميوزك اللي بحبها يا كارم تعالى نرقص
ابتسم لها وانسحبا ليرقصا معا
كانت زينة ترقص مع زوجها الحنون رقصة هادئة نطق بنبرة رجل عاشق
شكلك زي القمر يا قلبي
بابتسامة حنون أجابته
ده علشان إنت بتحبني ديما شايفني حلوة
ضحك ثم نطق بجدية
زينة بما إن اخواتك وجدتهم هنا في مصر خلينا إحنا نتنقل في شقتنا وسيبي لهم الڤيلا يقعدوا فيها براحتهم
نطقت بهدوء
أنا مش فاهمة إنت إيه مشكلتك مع الڤيلا يا رامي في الأول رفضت نقعد فيها بعد الجواز وصممت على رأيك ولولا إني أقنعت مامتك وبباك وطلبت منهم يتدخلوا ويقنعوك مكنتش هتوافق
اجابها بصدق
مكنتش أحب إننا نبدأ حياتنا في مكان مش ملكي كان نفسي نتجوز في شقتنا ونكبر واحدة واحدة مع بعض يا زينة
حاوطت وجنته
متابعة القراءة
