حواديت الطب الشرعي ل حبيبة ياسر ديدا
_يعني إيه بتكلمي الچثث بليل
ضحكت وقولت
_دة الحل الوحيد للإستمتاع بالنسبة لواحدة اوضتها جنب المشرحة
_مبتخافيش
كنت هجاوب على سؤال أخويا الصغير لكن قاطعني صوت موبايلي بيرن استغربت جدا ان حد يتصل عليا الفجر
بصيت في الموبايل كان رقم وكيل النيابة الجديد كنت مسجلاه من فترة لانه كان بياخد تقارير بعض الحالات ومن وقتها متعاملناش مع بعض أوي وطالما اتصل في وقت زي دة يبقى أكيد الموضوع مهم.
_خير يافندم
_تعرفي تيجي المستشفى دلوقتي يادكتور
كان صوته متوتر بينهج كان كله توسل اټخضيت جدا وسألت
_في ايه يافندم
_متقلقيش متقلقيش في حالة لسة واصلة المشرحة ومحتاجين تقرير الۏفاة ضروري
أتنفست بهدوء بعد ما كان نفسي بيزيد غمضت عيني وقولت
_هبعت لحضرتك رقم دكتور شريف تقدر تتواص..
قاطعني بصوت كله تردد
_ل.. لأ أحنا محتاجينك أنت أقصد يعني أنا اتعاملت معاكي قبل كدة وعارف انك هتساعدينا في الحالة دي
سكت ثانيتين فقال
_انا عارف ان الوقت متأخر بس أنا ممكن أبعتلك عربية تاخدك
_مفيش لزوم يافندم عشر دقايق وهكون عند حضرتك
بعد ما نفسه كان بيتزايد ومش منتظم بدأ يهدى واحدة واحدة بلع ريقه وأتطمن بعد ما اتأكد اني هشتغل في الحالة دي لوحدي
الموضوع مقلق جدا انا مدركة دة فعلا
معرفش ايه اللي خلاني اوافق غير ان الموضوع غامض وانا محتاجة أعرف ليه كل التوتر دة وليه وكيل النيابة هو اللي جايب الحالة ومهتم بيها اوي كدة! وليه اختارني انا بالذات علشان اشرحها برغم انه مصاحب نص الدكاترة عندنا في المستشفى!
خدت العربية ومشيت بأعلى سرعة بيدور في بالي افكار غريبة ويمكن دي اول مرة اتوتر وانا داخلة أشرح حالة معرفش دة بسبب الغموض ولا بسبب ان الوقت متأخر وانا مش متعودة انزل المستشفى بليل خاصة بعد الحوادث اللي بسمع عنها من زمايلي في شفتات بليل
_فين ملف الحالة
_مفيش ملف
بصيتله بهدوء وقولت
_تقدر حضرتك تحكيلي ايه اللي حصل
قعد على المكتب عيونه سرحت شوية كإن المشهد قدامه بيتكرر قال وصوته متردد والحروف بتخرج بالعافية
_احنا وصلنا بلاغ من ست بتقول ان في شخص بيراقبها بقاله فترة لما سألناها هي فين قالت انها قاعدة على البحر ومش معاها حد ابدا طلبنا انها تصور الشخص اللي بيراقبها لكن هي قالت انه بيقرب عليها واحدة واحدة وخاېفة تعمل وصفتهولنا لكن ملقيناش حد ابدا الشط كان فاضي والوقت متأخر جدا بدأوا الرجالة يدوروا على أي أثر وبالفعل
نظره ثبت في الأرض وقال وهو بيبلع غصة
كل حتة لكن هو مهتمش لدة وفضل مكمل الرجالة حاولوا يخوفوه على الأقل يبعدوه عن الست لكن بصلهم بعيون جاحظة بهدوء كإنه مش فاهم ايه اللي بيحصل قربوا ونط على حد من رجالتي لكن بستر ربنا الراجل قدر ينفد منه وكلهم جريوا على العربيات أنا كنت واقف مصډوم من اللي بيحصل ومن اللي بشوفه لغاية ما جه حد شدني من ورا وركبني العربية كنا هنتحرك لكن المشهد بيتكرر قدام عيوني كل شوية وصورة الست وهي مرمية مراحتش من بالي اول ما العربية عدت من جنبه طلعت المسډس وبدون تفكير ضړبت عليه
عيني وسعت فقال
_أتأكدنا انه ماټ والرجالة خدوه وجيبناه على هنا انا محتاج أعرف ايه حكاية الراجل دة الراجل دة غريب جدا كإنه مچنون او مختل عقليا
سألت
_في حاجة تانية عايز تحكيها
بصلي ثانيتين بتردد وبعدين قال
_لأ لأ هو دة كل حاجة
أكيد خۏفت واتوترت لكن فضولي كان كافي اني ادخل المشرحة وأشوف الحالة اول ما كشفت عنها وشوفت الهيئة حسيت ان في حاجة غلط في الحالة
اغلب الحالات اللي
