حواديت الطب الشرعي ل حبيبة ياسر ديدا

يختفي وتفضل چثة مراد عايمة على وش الماية
حاولت أقاوم التقل اللي في جسمي كنت بردد بصوت يكاد يكون مسموع وماهم بضارين به من أحد إلا بإذن الله
وصلت لچثة مراد حاولت ألمسها لكن كنت خاېفة جدا فضلت ادور على الموبايل بتاعي الفيديو دة لو اتشاف من وكيل النيابة أكيد هيساعدني لمحته عايم جنب الچثة جريت عليه علشان أخده لكن فجأة الماية بدأت تتحرك بيحصل حركة غريبة انا مش فاهماها الچثة اتشدت لتحت البحر في دوامة كنت بتشد معاها لكن انا قدرت أقاومها وأبعد وأول ما خرجت من البحر الموبايل اتشد مع چثة مراد وبكدة الدليلين الوحيدين الموجودين في ايدي أختفوا ودة معناه إني مش هثبت اللي شوفته واللي حصلي دة لحد وهيفضل المارد ورايا لحد ما نهايتي تكون زي نهاية مراد..
يتبع..
حواديت الطب الشرعي٤
_جثة مين اللي الدنيا مقلوبة عليها دي
قولتها على أمل ان اللي شوفته دة يكون مجرد حلم وان چثة مراد هتوصل فأي لحظة لكن الدكتور رجعني للواقع بجملته
_دي چثة ست قالوا ان في حد تعدى عليها وهي قاعدة على البحر.
رددت جملته بهمس وانا سرحانة
_حد تعدى عليها وهي قاعدة على البحر!
جريت على اوضة المشرحة كنت بدعي من قلبي انها تكون نفس الست اللي فتحت علينا كل اللي بيحصل دة كشفت عن وشها كان منظرها بشع!
وبدأت أكشف عن جسمها كله 
قلبت الچثة على ضهرها علشان أكمل تحليل لكن اللي شوفته خلاني أترعش لدرجة ان المشرط وقع من أيدي!
كان موجود على ضهرها علامة غريبة كإنها رمز أو إشارة لحاجة تشبه موجة البحر اللي بلعت چثة مراد و.. موبايلي!
_دكتور شريف
ندهت عليه وانا نظري لسة متعلق على الرمز جه وقف جنبي بص للرمز ورجع وجه نظره عليا لاحظ توتري وخۏفي ودة اللي أكدله ان الوضع
مش طبيعي
_رمز ايه دة
قولت وانا لسة موجهة نظري عليه ودموعي على خدي
_معرفش بس لازم أعرف انا لازم اعرف ايه اللي بيحصل دة
مسك المشرط علشان يفتح منطقة الرمز لكن انا وقفته قبل ما ېلمس الچثة وقولت
_لأ مش هينفع نفتحها بالمشرط
رجعت بصيتلها وقولت
_طلع موبايلك
مدلي ايده بيه ففتحت الكاميرا وصورت الرمز دة اللي كان كل لحظة يبرز أكتر ويكبر على ضهرها
الوضع مريب صعب انا مدركة دة لكن أنا محتاجة أرمي الخۏف على جنب لازم أخلص الناس من أذى المارد حتى لو على
حساب نفسي..
_هتعملي ايه
_كمل تشريح الحالة واديهم التقرير المطلوب وإياك تذكر الرمز اللي شوفناه ومتجربش تلمسه بالمشرط
كان هيعارض لكن قولت بمقاطعة
_حاول تنفذ وبس أنت متعرفش انا شوفت وعيشت إيه أرجوك ساعدني!
أتنفس بهدوء وهو بيهز راسه بالموافقة سيبتله الموبايل بعد تحذيرات كتيرة من انه ميضيعش الصورة ورجعت على مكتبي كملت يومي وشغلي عادي كإن مفيش أي حاجة بتحصل لكن دماغي موقفتش تفكير هعمل ايه وهتصرف ازاي كل حاجة دلوقتي متوقفة عليا وعلى خطواتي الجاية يا العهد.. يا إما النهاية.
يومي انتهى في المستشفى ورجعت البيت كل اللي فضل معايا هو اللابتوب خدته وقعدت في مكتبة بابا كنت محتاجة لكتبه ومراجعه علشان أقدر أفسر اللي بيحصل دة..
_يمكن أن تعبر الصورة عن وجود قوى أو كائنات خارقة تظهر من خلال دوامات الماء مثل الأرواح أو الكائنات الغامضة التي قد تظهر وتختفي في اللحظة التي لا نتوقعها أو تمثل الانجراف نحو شيء مظلم أو خطړ حيث تجذب الشخص أو الكائن إلى مركز الدوامة مما يرمز إلى الفوضى والدمار.
كنت بقرأ بصوت عالي مش مصدقة اللي بقرأه بفكر ايه علاقة المارد بالرمز