حواديت الطب الشرعي ل حبيبة ياسر ديدا

بتيجي المشرحة بتكون غرق لكن حتى حالات القټل بالطلقات بتكون طبيعية شكل الطلقات في الجسم بيكون طبيعي ومألوف بالنسبالي إلا دي كان شكلها غريب انا حسيت ان في حاجة غلط وأكيد وكيل النيابة واللي بالمناسبة إسمه مراد أكيد مكملش للآخر ال language بتاعته بتقول إنه اكيد شاف حاجة او عرف حاجة عن الشخص دة معرفشش ليه مقالش او يمكن انا فسرت توتره غلط وهو فعلا مخضوض من المشهد مش اكتر لكن اشنا متأكدة ان الوضع مش طبيعي.
بدأت شغل في الحالة ولإني مش هعرف أشتغل وفي ډم في الحالة لكن اللي لاحظته ان مفيش ولا نقطة ډم بتخرج من جسم الشخص حتى الطلقات مفيهاش ډم كل الډم ولا نقطة ډم!
تكوينه
وبدأت أفتح 
وكانت المفاجآة اللي انا مستنياها واللي كان مخبيها عليا مراد..
يتبع.
حواديت الطب الشرعي٢
_أتعين وكيل نيابة جديد! ليه
_أصل مراد توفى من اسبوع الله يرحمه كان طيب..
لحظة! دة نفس اللي اتقال وقتها..
الكلام نزل عليا زي الڼار!
بعد اللي عيشته في الأحداث الآخيرة خاصة اللي حصل معايا في الليلة دي خلاني متلغبطة ومتوترة دايما
_مش ناوية تحكي بقى إيه اللي جرالك
بصيتلها بهدوء كنت هتكلم لكن قاطعنا دخول عم حسن الفراش ساب جواب على مكتبي وخرج
بصيت للجواب ورجعت ل مرام تاني رجعت كررت سؤالها حاولت أغير الموضوع فاتجهت للجواب وفتحته علشان أقرأ
وأول حاجة عيني جت عليها اسم الشخص اللي باعت الجواب.. مراد وبمجرد ما شوفت إسمه أحداث الليلة اللي جت فيها الچثة عدت عليا كلها زي الشريط قعدت على الكرسي پصدمة ودموعي بدأت تنزل ڠصب عني
جريت عليا مرام علشان تلحقني بدأت تهديني وتمسح دموعي اتنفست بالراحة وحاولت أجمع كلام قولتلها
_مش هينفع أحكيلك لو حكيت انا ممكن اتأذي زيه
سألت باستغراب
_تحكي ايه وټتأذي من مين
بصيتلها بتردد لكن قررت اني أحكيلها لأني خاېفة مصيري يبقى مجهول زي مۏت مراد اللي محدش عارف سببه
_إيه اللي شوفتيه في الچثة وايه السر اللي خباه عنك مراد
مسحت دموعي وقولت
_السر اللي كان مخبيه هو إن الشخص دة لما قتلوه وطلبوا الإسعاف علشان يجيبه المستشفى الرجالة اللي شالته قالت إنه خفيف جدا وزنه مش لايق على شكله حرفيا كإنهم شايلين ريشة!
والدكتور اللي كان معاهم قال انه احتمال يكون الراجل دة مفيهوش أعضاء 
غمضت عيوني پألم
_وهو دة اللي أنا شوفته في الچثة كانت بدون أعضاء
مراد أنت بتهزر!
بصلي پصدمة ورجع بص للچثة باين عليه إنه مخضوض لكن انا كنت بكدب نفسي علشان
مش عايزة اصدق اللي انا شايفاه يعني ايه چثة كانت عايشة من ساعة بالظبط مفيهاش اعضاء! حتى الډم مش موجود!
غمض عينه وقال بتوتر
_كنت
متأكد
بصيتله باستغراب فحكالي كل اللي حصل بعد ما الراجل ماټ ولما سألته ليه خبى عني كانت إجابته
_مكنتش عايز أأثر على حكمك أنا كنت متأكد إن في حاجة غلط بس مكنتش عايز أصدقها ولا اصدق الدكتور
كنت في حالة متمناهاش لألد اعدائي تايهة بين اني اكمل تشريح أو أوقف وأمشي لكن حالة مراد كانت صعبة وكمان الفضول مكانش سايبني في حالي رجعت اوجه نظري على الچثة بهدوء إتهيألي انها بتتحرك! لحظة هي باصالي ازاي!
كانت عيون الچثة خارجة لبرة بشكل يرعب جاحظة ومبحلقة فيا
قربت علشان أقفل عيونه لكن قبل ما اتحرك أي خطوة الإضاءة بدأت ترعش بشكل مرعب الباب أتقفل فجأة ومع صوت الباب صړخت انا ومراد بأعلى صوت!
لكن مكانش في حد بينجدنا كإن محدش سامعنا أصلا!
حاولت أتمالك أعصابي وأجرب أقرب مرة تانية لكن المرة دي النور قطع