الفصل الاربعين أذناب الماضي بقلم روز أمين

ولذا فهي غاضبة حد السخط تحمحمت وهي تقول 
سوري يا حبيبي عارفة إني كنت سخيفة معاك سامحني وارجوك متزعلش مني
لم يكلف حاله عناء النظر إليها بل تابع قيادة السيارة بجمود وعدم اهتمام فتابعت بدلال لعلمها حجم خطأها الكبير 
خلاص بقى وحياتي عندك تفك التكشيرة دي
همست مليكة إلى رفيق دربها 
بنتك بدأت تفك البوز أهي
مال عليها ونطق هامسا بالحق 
هي مش بنتي بس والله انا لو مكانه ما اتحمل اسلوبها يوم واحد
وتابع مشيدا 
الواد ده بطل ويستاهل يتكرم
تبسمت وهي تلكزه بيدها لتحثه على الصمت بينما ضل كارم على حاله وتوقفت أيسل عن محاولات إرضائه بل رحلتها حتى يصلا إلى الفندق الذي حجزه ياسين كي يستريح الجميع به وليستعدوا لحفلة الزفاف من داخله وهو نفس الفندق المقام به الحفل.
وصل الجميع إلى الفندق نزل ياسين تحت حراسة مشددة مع عدم الاعلان عن شخصه ووظيفته لضمان أمانه فقد أبلغت ادارة الفندق بأنه أحد الشخصيات الهامة بالدولة وفقط وصل إلى غرفته هو ومليكة ومن خلفهما بعض العاملات يحملن ثوب مليكة التي سترتديه في المساء وبعض الثياب التي تكفي لقضاء الليلة بالقاهرة وما أن وطأت أقدامهم الغرفة حتى ارتفع رنين هاتفه تبسم وهو يخبر تلك التي تباشر العاملات وهن يضعن الملابس بالخزانة 
ده عز واكيد مسك معاه
رد سريعا وهو يتابع بنظراته الصقرية هؤلاء الفتيات اللواتي انتشرن في الجناح منهن من تقوم على تجهيز الحمام ومنهن من تقوم بوضع الثياب وأخرى للأحذية 
إيه يا حبيبي بابا لحق يوحشك
بصوته المميز والمحبب إلى قلب أبيه نطق يلومه 
عزو زعلان منك قوي يا بابي وكمان مسك مش هتكلمك إنت ومامي تاني
نطق الآخر بملاطفة لذاك القريب من القلب 
يا حبيبي مش أنا فهمتك إن الفرح للكبار وممنوع حضور الأطفال فيه وكمان أصحاب الفرح مش قرايبنا
نطق معترضا على وصف ابيه بالطفل 
بس أنا مش صغير يا بابي أنا راجل وكنت هحضر الحفلة أنا وساندرا طارق وليزا عمر ومش هنعمل أي دوشة 
وأنا يا عزو... قالتها الصغيرة وهي تشير على حالها بوجه عابس وتابعت لائمة 
مش قولت لي قبل امبارح كلمي بابي وخليه يوافق علشان أخدك معانا!
وهو انت كنتي خلتيه يوافق يا مسك علشان تزعلي هما سافروا خلاص!
كان يستمع إلى نقاش صغيراه بقلب سعيد وفاه متسع من شدة حبوره فكلا الصغيران يمتلكا نصيب الأسد من قلبه ويستحوذا على كامل كيانه لم يكن يتخيل حياته بدون قطعتي السكر نطق وهو يحاول كظم ضحكاته 
خلاص منك ليها اهدوا أنا هلاقيها منكم ولا من اختكم الكبيرة وجوزها 
انتهت العاملات وأغلقن الباب ورائهن
متزعلوش وأنا لما أرجع إسكندرية إن شاء الله هاخدكم ونروح كيدز اريا Kids Area انا وانتم ومامي
هلل الصغيران ونطق سريعا عز 
وكمان هناخد ساندرا طارق وليزا عمر يا بابي
ماشي يا عم الدنچوان بادئها مثنى بدري إنت...وتابع وهو يتطلع بعيني من ملكت الفؤاد حتى ارتوى 
يلا ده أبوك معملهاش غير لما العشق دوب قلبه وبهدله
خلوا بالكم من نفسكم كويس يا عزو واسمعوا كلام مروان
أوك يا مامي... قالها الصغير قبل أن ينطق لأبيه 
جدو عاوز يكلمك يا بابي
تناول عز المغربي الهاتف لينطق بمرحه المعتاد عليه 
بتلوم على الولا ليه يا باشا ما ابوه عملها قبل منه
ضحك بشدة وهو يجيب على صديق الروح 
معاليك أنا عملتها بعد ما طبيت وحبيت إنما الباشا مقرر ومختارهم من الوقت.
ما أنا قولتها لك زمان التلميذ
تفوق على أستاذه وشكله كده إبنك هيتفوق على الأستاذ هو كمان
نطق ياسين باحترام وتفاخر بأبيه 
لسه ما اتخلقش اللي يتفوق ويتخطى جنابك يا معالي الباشا. 
أغلق الهاتف مع أبيه ثم شدد من احتضان تلك الحبيبة وهمس بجانب أذنها 
نفسي أفهم أنا ليه بيزيد چنوني بيك لما بنكون في الاوتيلات
علشان حبيبي تفكيره منحرف...نطقتها وهي تداعب أنفه فنطق بمداعبة 
طب تعالي بقى لما أثبت لك الإنحراف رسمي
ضحكت وسحبها من يده ليدفعها على ذاك الفراش الوثير
داخل الجناح الخاص ب كارم و أيسل تحركت لتقف أمامه ثم لفت ذراعيها حول عنقه وتحدثت بدلال كادت أن تتناساه في زحمة شغفها بالعمل 
إنت لسه زعلان مني 
حاول فك وثاق ساعديها وهو يقول 
عاوز أغير هدومي علشان ألحق أرتاح شوية قبل ميعاد الفرح
تلاعبت بأصابع يدها على صدره ثم نطقت بدلال 
ما انا هريحك جوه حضڼي ولا أنا مش وحشاك 
توحشت ملامحه وكأنه تحول لأخر وهو يقول بحدة ولكنة ټهديدية 
سيلا آخر مرة تتكلمي معايا بالطريقة دي قدام أي حد وخصوصا ياسين باشا 
نطقت مبررة باستغراب 
وانا كلمتك ولا جيت جنبك يا حبيبي أنا كنت بتكلم مع مليكة
رد بانزعاج تجلى بنبراته 
إنت فعلا كنتي بتتكلمي مع مدام مليكة بس راجعي اسلوبك كان عامل ازاي يا هانم! دي الست اللي ابنها بقى طولها قاعدة تدلع في جوزها ومحسساه إنه ملك غارت عليه لما عرفت إن الفرح هيضم شخصيات عامة كتير وبنات وستات الطبقة الراقية هيبقوا ماليين الفرح أول ما عرفت إن الدعوة جاية له عائلية أصرت تروح معاه وطول الطريق ضحكتها ما فارقتش وشها
ثم صړخ بوجهها منفعلا 
وفي المقابل بوز سيادتك ممدود شبرين على رأي سيادة الفريق طب احترمي وجودي وإعملي حساب لشكلي قدامهم اللي بقى زي الزفت 
ازدردت لعابها وتحدثت في محاولة لتهدأة ورعه 
طب ممكن تهدى يا حبيبي علشان صحتك
صاح بحدة بالغة 
خاېفة عليا قوي وتهمك صحتي! ده أنت قاعدة جنبي ومش شيفاني أصلا محروقة قوي على الأجازة اللي أخدتيها وإن العملية المهمة اللي ليك إسبوعين مستنياها راحت لدكتور غيرك! طب وبالنسبة لرجل الكرسي اللي سيادتك متجوزاه إيه نظامه!
احتوته داخل أحضانها وباتت تربت على ظهره وهي تقول 
أنا آسفة والله يا حبيبي ما قصدت اي حاجه من اللي جت في بالك أرجوك يا حبيبي تسامحني
ظلت تعتذر منه وتطلب السماح تارة وتارة آخرى تتدلل عليه حتى خارت قواه الواهية ووقع بشرك غرامها.
٭
بنفس التوقيت 
يجاور والدته نزول الدرج في طريقهما إلى قصر علام باشا لتناول وجبة الفطار قبل تجهيز حاله لاستقبال حفل زفافه الذي طال انتظاره لسنوات طوال استمع إلى رنين هاتفه فتحدث سريعا بعدما وجد نقش اسم السائق الذي بعثه لاستقبال شقيقاه بصحبة نائلة التي أحضرتهما لحضور الصغيران حفل زفاف شقيقيهما 
ايوا يا حامد
على الطرف الاخر يتحدث السائق عبر سماعة الأذن وهو يتطلع على الأطفال والسيدة نائلة والمربية المسؤلة عن مساعدة الأخيرة بالإعتناء بالصغير 
الهانم والاولاد وصلم يا افندم واحنا في طريقنا لقصر الباشا 
اشتدت سعادته وظهر الحبور على ملامحه وخاصة عندما استمع لصياح الصغيرة 
نحن وصلنا يا يوسف التيتا چابت لئلي فستان كتير حلو رح صير متلها للعروسة بيسان 
نطق بسعادة تجلت بنبراته 
يا روح قلبي حمدالله على السلامة أنا كمان جبت لك فستان حلو قوي متأكد إنه هيعجبك إلبسي كل فستان منهم شوية. 
توسعت ابتسامة إيثار أما الصغيرة فتعالت صيحاتها وهي تقول بسعادة 
يا سلااام تؤبرني شو حنون يا چو
نطق
يستعلم عن شقيقه 
سليم كويس
إي بس نايم من وئت ما كنا بالطيارة لهلا ما