عزومتي على فرح طليقي حكايات روز أمين

مشهد ومسمع من مجتمع دالاس كله. بصتلي وعينيها كانت بتطلع شرار أنتِ ډمرتي ابننا! ډمرتي مستقبله!
خطيت خطوة واحدة لقدام، وسبت إيد ليو بالراحة، ووقفت قصادها بالظبط.. الطول بالطول، والعين في العين. وقلت بنبرة هادية بس ټقتل ابنك هو اللي دمر نفسه لما سابك تطردي مراته وعياله عشان المنظرة.. أنا مدمرتوش، أنا جيت أوريه بس تمن سكوته كام.. تمن سكوته هو الأيام اللي كان هيسمع فيها ولاده بيقولوا بابا لأول مرة، اللحظات اللي كان هيشيلهم فيها وهم عيانين.. هو دفع التمن ده خلاص، وأنتِ دفعتي تمن كبرك ومنظرتك.
لفت وشي وبصيت ل مايكل اللي كان واقف مڼهار ودموعه نازله على بدلته الشيك الدعاوى القضائية هتوصل للمحاميين بتوعك بكرا الصبح.. مش عشان الفلوس، أنا فلوسي تشتري قصر مامتك ده وتعمله جراج لعربيات شركتي.. الورق ده عشان عيالي يتكتبوا باسمك ڠصب عن عين أي حد، وعشان العالم كله يعرف إن عيلة ستيرلينج العريقة خانت لحمها وډمها.
نزلت ل ولادي، ابتسمت لهم وقلت يلا يا حبايب مامي.. الخروجة خلصت.
ليو مسك إيدي اليمين، وسام وماتيو مسكوا إيدي الشمال. لفينا وشنا ومشيت وسط الممشى الأبيض المرشوش ورد، مئات العيون كانت بتبصلي بنظرات فيها ړعب وفيها احترام شديد.
ركبنا العربية الدفع الرباعي السودة، الباب اتقفل، والعربيات بدأت تتحرك وتخرج بره البوابات الحديد الكبيرة بتاعة القصر. بصيت من الشباك ورايا لآخر مرة.. شفت فيكتوريا واقعه على الكرسي والناس ملمومة حواليها بيفوقوها، ومايكل واقف لوحده في نص الممشى، بيبص على أثر عربيتنا وهي ماشية، والدموع مغرقة وشه.
أخدت نفس طويل وضمت ولادي لحضني.. الرحلة كانت صعبة، والۏجع كان كبير، بس اللحظة دي.. اللحظة دي كانت تسوى كل دمعة نزلت مني في الحمام وأنا بهز السراير برجلي. الحكاية القديمة اتقفلت، وحكايتنا إحنا الأربعة.. لسه هتبدأ.
الجزء الثالث والأخير
بعد ساعتين بالظبط، كنا في الطيارة الخاصة بتاعة شركتي، راجعين شيكاغو.
العيال ناموا من التعب على الكراسي الجلد العريضة، ماتيو الصغير كان واخد الديناصور في حضنه، وليو وسام راسهم على كتف بعض. كنت قاعدة بصلهم والهدوء اللي في الطيارة حسسني لأول مرة من أربع سنين إن الحمل اللي على كتفي انزاح.. إن الطار بايت بس صاحبه أخد حقه تالت ومتلت.
تليفوني اللي على الترابيزة مسبش رن.. مكالمات ورسايل من أرقام معرفهاش، وإيميلات عاجلة من جرايد ومواقع فضائح ومجتمع. الفيديو بتاع كاس الشمبانيا وهو بيتفرفد ونزولي من العربية بالعيال بقى تريند على كل منصات التواصل في أمريكا.. عيلة ستيرلينج بقت ماتش ملاكمة الكل بيتفرج عليه.
وسط كل ده، رن رقم أنا حافظاه صم.. رقم مايكل.
سيبته يرن لحد ما فصل.. ورن تاني.. وتالت. في المرة الرابعة فتحت الخط وحطيت التليفون على ودني من غير ما أنطق بكلمة.
سمعت صوت أنفاسه المكتومة، كان باين إنه بيعيط أو مڼهار صوفيا.. أرجوكي متقفليش.
فضلت ساكتة.
أنا عارف إني مستهلش حتى تبصي في وشي.. صوته كان بيترعش ويقطع، أنا شفت الورق.. شفت اللي أمي عملته.. شفت التهديدات وتقرير الۏفاة المزور اللي بعتتهولك شيكاغو.. أنا والله العظيم ما كنت أعرف حاجة عن كل ده! أنا افتكرتك زعلتي ومشيتي ونسيتيني.
رديت بصوت رخام، واطي عشان العيال متصحاش بس حاد زي الموس ومسألتش ليه يا مايكل؟ م دورتش ليه؟ مكلفتش نفسك تسافر شيكاغو وتخبط على الباب ليه؟.. عشان كنت مستسهل السرير الحرير والأكل اللي بيجيلك على الجاهز ورضا مامتك.. أنت كنت عارف ومغمي عينك عشان تريح دماغك.
أنا غبي.. أنا ضيعت عمري وضيعتكم.. بكا وبقى