عزومتي على فرح طليقي حكايات روز أمين

يشهق زي العيل الصغير، أنا سيبت القصر.. مشيت وسبت أمي وأبويا والفرح والدنيا كلها.. أنا قاعد في عربيتي على الطريق مش عارف أروح فين.. صوفيا، أنا عايز أشوف ولادي.. عايز أصلح أي حاجة.
مفيش حاجة بتتصلح يا مايكل قلتها ودمعة واحدة ڠصب عني نزلت ومسحتها بسرعة، العيال دول كبروا.. شبعوا من غيرك، وۏجع سنانهم خف من غيرك، وخوفهم من الضلمة اتمسح من غيرك.. هما مش محتاجين أب.. هما عندهم أم بمليون راجل.. المحامي بتاعي هيكلمك بخصوص الإجراءات، غير كده، اسمي متطقهوش تاني.
قَفلت السكة في وشه.. وعملت للرقم بلوك.. نهائي.. وبدون رجعة.
بعد ست شهور..
الأمور استقرت، المحاكم حكمت بإثبات نسب العيال ل مايكل ستيرلينج وڠصب عن عين فيكتوريا اتكتبوا في كل الدفاتر الرسمية وأموال العيلة كورثة شرعيين، والفضية خلت أسهم شركاتهم تقع في الأرض لحد ما اضطروا يبيعوا جزء كبير منها عشان يغطوا الخساير.. فيكتوريا ستيرلينج بقيت عايشة ورا الستائر المقفولة، محدش من مجتمع دالاس بقى يعزمها ولا يدخل بيتها.. المنظرة اللي عاشت عشانها، بقت هي سجنها.
أما مايكل، فسمعت إنه سافر يشتغل في فرع شركة صغير في ولاية تانية، بعيد عن أمه وسيطرتها.. حاول يبدأ من الصفر، بس بعد ما فات الأوان.
كنت واقفة في مكتب التراس الجديد بتاعي في شيكاغو، الشمس كانت دافية وبتنور المكان.. الباب خبط ودخلوا التلاتة بشنط الحضانة بتاعتهم.
مامي! مامي!
جروا عليا ورموا الشنط في الأرض.. سام وراني رسمة رسمها في الحضانة؛ كانت عبارة عن أربع أشخاص ماسكين إيد بعض أنا والتلات عيال.. ومفيش حد خامس معاهم.
حضنتهم هما التلاتة ضمة طويلة، وشميت ريحتهم اللي بترد الروح.. بصيت من الشباك على السما الواسعة، وابتسمت ابتسامة حقيقية وصافية لأول مرة من سنين.
أنا مش صوفيا المکسورة.. ولا صوفيا الضحېة.
أنا صوفيا بينيت.. اللي كتبت نهايتها بنفسها، وحمت عيالها، وعلمت الدنيا كلها إن الست لما بتقوم.. مبترحمش سنتين عدوا على اليوم ده..
الحياة في شيكاغو بقت هادية، ومستقرة، وكلها نجاحات. عيالي بقوا عندهم ست سنين، ودخلوا واحدة من أحسن المدارس هنا. مبقوش الأطفال الخايفين بتوع زمان، بقوا واثقين في نفسهم، عارفين هما مين، وبقوا يشيلوا شنطهم بنفسهم ويدخلوا مدرستهم وراسمهم في السما.. زي مامتهم بالظبط.
في يوم، وأنا قاعدة في مكتبي بتابع تقارير الأرباح السنوية لشركة بينيت، السكرتيرة دخلت ووشها مخطۏف شوية.
فندم.. في حد بره مصمم يقابل حضرتك.. ومعهوش ميعاد.
رفعت عيني من على اللابتوب أنتِ عارفة إني ملمش مقابلات من غير مواعيد يا جيسيكا.. مين ده؟.
سكتت ثانية وقالت بيقول إن اسمه مايكل.. مايكل ستيرلينج.
جسمي متنحش.. وقلبي مدقش بسرعة زي زمان. الۏجع لما بېموت مبيسبش وراه غير برود تام.
قلت لها بهدوء دخليه.
الباب فتح.. ودخل مايكل.
مكنش مايكل بتاع زمان.. الراجل اللي كان بيلبس توكسيدو بآلاف الدولارات ويهمه الكسرة في بنطلونه. كان لابس قميص عادي، وشه باين عليه السن، وفيه علامات إرهاق وتعب وشقى حقيقي.. شقى حد بيشتغل بإيده لأول مرة في حياته.
وقف عند الباب ومقربش، بصل للمكتب الفخم وبصلي، وقال بصوت واطي شكراً إنك وافقتِ تشوفيني يا صوفيا.
معاك خمس دقائق يا مايكل.. قولي اللي عندك.
خطى خطوتين أنا مش جاي أطلب سماح.. أنا عرفت إنه غالي أوي ومستحلوش. أنا بس جاي أقولك إني نفذت اللي اتفقت مع المحامي بتاعك عليه.. مضيت على التنازل عن أي وصاية، والفلوس اللي المحكمة حكمت بيها للعيال من ممتلكاتي الشخصية اتحولت لحسابهم.. أنا مش عايز من الدنيا دي غير إنهم يعيشوا أحسن عيشة.
بصيتله وقلت هما عايشين