الفصل الخامس عشر اذناب الماضي بقلمي روز أمين

قبل أن تنطق بهدوء زائف
ولا حاجة
وتابعت مسترسلة بقلب يغلي كفوهة بركان 
بس أنا اكتشفت إن بابي كان عنده حق في كل الكلام اللي قاله عنه أنا وهو مفيش حاجة بتجمعنا علاقة غير متكافئة بالمرة لا فيه بينا تكافئ مادي ولا عائلي ولا حتى مستوانا التعليمي والثقافي واحد
وتابعت بغرور نابع من حقدها عليه 
أنا هبقى سفيرة وهو طلع ولا نزل حتة مهندس 
اتسعت عيني فريال بشدة لتقول بذهول وعدم استيعاب لتحول ابنتها لأخرى بشعة لا تعرفها 
إنت اټجننتي إنت سامعة نفسك بتقولي إيه! 
وتابعت وهي تهز رأسها بانزعاج 
أنا مش مصدقة اللي أنا بسمعه منك ده
بلحظة طرأت على بالها فكرة فضيقت عينيها تسألها بترقب شديد 
إنت اتكلمتي مع يوسف قال لك حاجة زعلتك وهي اللي مخلياكي قالبة عليه بالشكل ده!
صړخت بهيستيريا وهي تشيح بكفيها 
مشوفتوش يا ماما مشوفتوش ومن فضلك بقى سبيني لوحدي عاوزة أغير هدومي وأنام
ازدردت لعابها وسألتها بترقب 
مش هتنزلي تتغدي
أكلت ساندوتش في الجامعة من فضلك أخرجي وسبيني
شعرت الأم بغصة مرة تقف بمنتصف حلقها تلك هي المرة الأولى التي ترى فيها ابنتها على هذه الحالة يبدوا من شدة عصبيتها أن شيئا جلل قد حدث بينها وبين ذاك الحبيب يوسفلم تجد ما يقال ففضلت الخروج وترك تلك المڼهارةتحركت صوب الباب لتغلقه خلفها وما أن تأكدت الأخرى من غلقه حتى ارتمت فوق الفراش واڼفجرت دموعها علت شهقاتها وباتت تتذكر ما حدث منذ ما يقرب من الساعتين
عودة لما قبل الساعتين وأكثر
كانت تتحرك بجوار صديقتهاعلياء داخل فناء الجامعة كم كانت ملامحها حزينة مټألمة هكذا أصبح حالها مؤخرا بعدما هجرها يوسف فمنذ أن تعمد تجاهلها على حد تفكيرها وأصبح الهم والحزن رفيقيي لدربها تحدثت صديقتها لتخرجها من تلك الحالة التي لا تليق بتلك المرحة على الإطلاق 
تعالى نروح الكافية نشرب أي حاجة قبل المحاضرة ما تبدأ
حركت رأسها بلا فتابعت علياء بمحاولة أخرى
طب وأخرة السكوت اللي إنت فيه ده إيه
تنهدت لتنطق بنبرة انهزامية 
سبيني وروحي إنت يا علياء انا أصلا مش هحضر المحاضرة الجاية وبفكر أروحدماغي مشتتة ومش هعرف أفهم حاجة
مش هسيبك يا بيسان...ثم استرسلت متأثرة لحال صديقتها
أنا مش عارفة إنت عاملة في نفسك كده ليهقولت لك كلميهمش يمكن عنده ظروف منعته إنه يكلمك طول الإسبوع اللي فات أو يمكن يكون تعبان
تحولت ملامحها لمتوحشة قبل أن تهتف بحدة واستنكار 
لا تعبان ولا عنده ظروفالأستاذ عايش حياته طبيعي جدا
وأشاحت بكفيها مستنكرة 
بيخرج وبيعمل كل حاجة تبسطه إلا إنه يقدرني ويعاملني على إني حبيبته
قطبت علياء جبينها لعدم استيعاب حديث الأخرى فتابعت بإيضاح
تاج قالت لي إنه عزمهم على الغدا في النادي من كام يوموإن اليوم كان لطيف جدا والباشا كان مبسوط وفرحان بلمة عيلته حواليه
لم تخبرها الفتاةتاج بشأن عمرو وزيارته المزعجة التي قلبت الموازين وذلك إتباعا لتوصيات فؤاد للجميع لحرصه على الحفاظ على الشكل العام ل يوسف وألا تتشوه صورته بأعين أفراد العائلة
لتنطق پألم ينخر بعمق قلبها وغمامة من الدموع غامت ببنيتاها 
يوسف مبقاش بيحبني ولا عاوزني يا علياء هو مرتاح في بعده عني
أجابتها بنفي لروايتها 
ولما هو مرتاح في بعادكتقدري تقولي لي معناه إيه الكلام اللي قالهولك في المزرعة!إنت بنفسك قولتي إنه كان رومانسي جدا معاك وإنكم قضيتوا وقت هيتحفر في ذكرياتكم ومش ممكن تنسوه
هزت رأسها بيأس تملك منها 
مش عارفة يا عليا حقيقي مبقتش عارفة أحدد مشاعره من ناحيتي
نطقت الفتاة بشي من العقلانية 
يا حبيبتي هو باعد علشان بباكي والكلام الصعب اللي قاله له إصبري يا بوسي
أخرجت تنهيدة شقت صدرها شقا