دنيتي اتغيرت بقلم مروة

lady in red the lady in red
The lady in red my lady in red
I love you...
و عند جملة I love You قالها بهدوء و ركز على كل حرف منها. من صډمتها ابعدت الجزء العلوى من جسمها عنه و هى مازالت بين زراعيه لتنظر له و عيناها مليئه بالتساؤل و دموع الفرحه فنظر لها بحب و تركها لكى يستطيع ان يقبل يديها ثم نظر فى عيونها قائلا بصوت مليئ بالحب و الرومانسيه بحبك. و كانت إجابتها دمعه سقطت من عينيها و ابتسامه رقيقه.
صفق الجميع لهما فكانت كل العيون تتبعهما رغم انهم لم يسمعوا ما قاله مازن و لكن نظراتهما و تصرفاتهما كانت اكبر دليل على مشاعر قويه و صادقه. شعرت كندا بخجل شديد عندما أدركت ان كل رواد المطعم انتبهوا لهما فعاد بها مازن إلى الترابيزه ليستأذن من ضيوفه و يغادرا.
رواية دنيتي إتغيرت. 
بقلم مروة tweety 
الفصل الرابع عشر
غادرا المطعم و كندا كالمخډره تتحرك معه دون تفكير تشعر بسعاده كبيره لاعترافه ذلك و لكنها متفاجأة. دخلا السياره فجلست بجواره و هو يقود. ادار المسجل على احد سيديهات الموسيقى الهادئه. شعرت كندا بإرتياح و لكن فضلت ان تنظر للشارع من الشباك لتتفادى الحوار مع مازن فلم تكن تعرف ماذا تقول لكن صمتهما لم يدم طويلا فبدأ مازن الحوار.
مازن انا عارف انك مصدومه و متلخبطه و مكنتيش متوقعه منى انى اعترفلك بحبى.
احمر وجهها خجلا و لم تعرف كيف ترد عليه فاستطرد قائلا انا فاهم كل دا لان انا نفسى مكنتش محضر نفسى انى اعترفلك بمشاعرى النهارده و يمكن كنت ناوى انتظر لما اتأكد انك بتبادلينى مشاعرى بس متلومينيش انا لومى نفسك يعنى الرحمه شويه كتير الجمال دا عليا.
زاد خجلها و نظرت من الشباك لتدارى ذلك.
مازن ضاحكا لتصرفها لا الكسوف دا مش هينفع كتير. انا عاوزك تفهمى انى مش مستعجلك على أى حاجه و لا بطالبك بحاجه بس لازم تكونى واثقه انى بحبك و بحب عمرو و انتوا بقيتوا كل دنيتى و مهما كانت مشاعرك ناحيتى مش هتخلى عنك و هفضل جنبك على طول و هشيلك فى عينيا. انتى احلى حاجه حصلت فى حياتى.
كندا بغيره واضحه و ساندرا
ابتسم لشعوره بغيرتها عليه حتى و ان لم تعترف له بمشاعرها فغيرتها واضحه.
مازن ساندرا كانت حب طفوله افتكرت اننا لما نكبر هنفضل نحب بعض بس دا محصلش. يمكن اكون فضلت موهوم لفتره انى بحبها بس صدقينى لما شوفتك عرفت ان دا مكنش حب و ان انتى الحب الحقيقى فى حياتى.
نظرت له و ابتسمت.
مازن ينظر لها متفحصا و ابتسامه خبيثه على وجهه طيب ايه
كندا بإستغراب ايه
مازن بعد كل اللى قولتهولك دا مفيش اى حاجه عاوزه تقوليها
كندا بدلال تؤ.
مازن تؤ. بس حقك تتدلع علينا يا قمر.
ابتسمت كندا بخجل.
وصلا كندا و مازن و مرا على الخاله روعه ليحضرا عمرو.
فتحت الخاله روعه الباب لتراهما معا.
روعه ما شالله عليكم بتاخدوا العقل .. الله يحميكم.
مازن يمزح مع روعه بذمتك مش لايقين على بعض.
روعه فهمت ما يرمى اليه اي كتيييييييييير لابقين لبعض.
كندا انتى كمان يا خاله هتعملى زيه.
روعه انا مرا حقانيه.
كندا فهمت ان الخاله روعه تتمنى ايضا ان ترى مازن و كندا معا فابتسمت لها. فهى تحب هذه المرأه الطيبه حقا.
كندا طيب ممكن بقى ناخد عمرو و نروح على البيت عشان يكمل نومه.
و بالفعل اخذت عمرو الذى اصر ان تحمله هى و يبقى فى حضنها و وصلا منزلهم و بمجرد دخولها جلست على الكنبه و فى حضنها عمرو الذى تعبت من حمله.
مازن الولد دا بيقدر.
كندا مش فاهمه حاجه.
مازن اكيد مش هيسيبنى انا اللى اشيله و شايف واحده زى القمر هيعمل بيا انا ايه شكله هيطلع بصباص.
كندا متقولش على ابنى كدا بس هو مش بيعرف ينام الا فى حضنى و احنا خدناه و هو نايم. على العموم انا لازم دلوقتى ادخل انيم الولد و انام.
مازن اوكى. تصبحى على خير و سعاده يا حبيبتى.
كندا بإبتسامة حب و حنان و انت من اهله يا مچنون.
و تركته و دخلت غرفتها و اغلقت الباب.
ذهب مازن إلى غرفته و بدل ملابسه و استلقى بفراشه و اخذ يحدث نفسه الست دى جننتنى خلاص و طيرت عقلى معقوله اللى انا بعمله دا انا عمرى ما كنت كدا طول عمرى عاقل و راكز بس بصراحه هى تنطق الحجر و بتعرف امتى تصد و امتى تدلع عليا بس ياريتها كانت قالتلى بس و لو كلمه تبل ريقى بيها. بس انا وراها وراها لحد ما أخليها تعترف بحبها اخذته الأفكار حتى نام رغما عنه. 
الفصل الخامس عشر
استيقظ مازن صباحا و كان يوم العطله الأسبوعيه فقرر ان يعرض على كندا ان يخرجوا مع عمرو لتناول الفطور بالخارج. ترك باب غرفتها فخرجت مرتديه ملابس كاجوال بسيطه و بدون أية مساحيق تجميل مما أعطى لوجهها براءة و نضارة جميلة.
مازن صباح الخير.
كندا صباح النور.
مازن انتى صاحيه من بدرى و لا ايه شكلك فوقتى و خدتى الشاور بتاعك و مستعده ليوم جديد.
كندا انا صحيت من حوالى ساعه بس لسه بحاول اصحى عمرو.
مازن طيب انا كنت جاى اقولك ايه رأيك بما ان النهارده اجازه نروح احنا التلاته نفطر بره و عمرو يخرج يشوف الشارع و يتعرض لشمس الصبح لانه مش بيخرج كتير من ساعة ما جيتوا.
كندا و الله فعلا يا ريت انا حاسه انى مقصره فى حقه جامد و كمان انا حابه اتكلم معاك شويه.
مازن خير.
كندا خلاص نتكلم احسن لما نخرج روح انت جهز نفسك و انا هصحى عمرو و اجهزه.
مازن اوكى ربع ساعه بالكتير و هكون جاهز.
كندا تمام.
و بالفعل استعدوا جميعا و توجهوا لحديقة عامة فيها مكان للعب الأطفال الصغار و مكان للكبار بحيث يستطيعون متابعة اطفالهم عن بعد و فى نفس الوقت تناول المشروبات و اطعمة الفطور الخفيفه. وضعوا عمرو فى المكان المخصص للعب و جلسوا على ترابيزه لتناول الفطور و الشاى و عيونهم تتابع عمرو.
مازن عجبك المكان
كندا أوى.. عمرو يقدر يلعب و انا ابقى شايفاه طول الوقت.
مازن طيب تمام .. انتى عامله ايه النهارده قومتى مفوقه و لا تعبانه من سهرة امبارح
كندا انا نمت على طول و خدت كفايتى فى النوم فقومت نشيطه و مفوقه.
مازن طيب كويس اوى. ما قولتيليش أيه الموضوع اللى كنتى عاوزه تكلمينى فيه
كندا لا

هما بصراحه موضوعين مش موضوع واحد.
مازن مبتسم يا ستى يا رب يكون 100 موضوع. اتفضلى اتكلمى براحتك و انا سامعك.
كندا فاكر قبل ما تسافر علشان شغلك انا كنت كلمتك فى موضوع انى عاوزه اشتغل و انت قولتلى نأجل كلام فى الموضوع دا لما ترجع.
مازن تانى موضوع الشغل. انا بس نفسى افهم انا ضايقتك فى حاجه او حسستك ان انتى و عمرو مضايقنى. ليه حابه تشتغلى و عمرو هتسيبيه لواحده ازاى و هو صغير كدا.
كندا انا فاهمه كل اللى بتقوله بس انا بصراحه مش