دنيتي اتغيرت بقلم مروة

رغبه بيحاول يداريها احتراما ليا بس انا كنت بحسها. هو حاول بكل الطرق ما يظهرش دا لدرجة انه فى فتره كان بيتحاشانى و بيحاول ميرجعش البيت الا بعد ما انا انام. مع الوقت ابتديت احتقر نفسى. انسان بيحبنى و بيهتم بيا للدرجه دى و انا بحرمه من ابسط حقوقه. يعنى فى الاخر هو جوزى على سنة الله و رسوله. و راجل متجوزش قبل كدا و مكنش فى اى ست فى حياته و بعد ما اتجوزنى و لانى عارفه انه استحاله يعمل حاجه تجرحنى فكنت واثقه انه شال فكرة الجواز من راسه خالص. حسيت انى لازم ارد جزء من جميله و حسيت ان ابسط حاجه اعملهاله انى اديله حقوقه كزوج. و بصراحه انا كمان كنت بحبه اوى يمكن مش بنفس طريقة حبه ليا بس كنت بحبه كأب و اخ و صديق و كل حاجه ليا فى دنيتى.
الخاله روعه و طبعا هو كان طاقة القدر اتفتحتله.
كندا مبتسمه بخجل هو فى البدايه حاول يقنعنى انى افكر اكتر و يعنى حاول يفضل لاخر وقت جنتل مان. بس هو راجل و زى ما قولتلك كان بيحبنى.
الخاله روعه مبتسمه لها بحنان و الله يا بنتى رغم انك زغيره لكن عقلاتك كتير كبار. و كبرتى كتير بنظرى. فعلا هاد حقه عليكى قدام الله.
كندا اللى انا اديتهوله اقل كتير من اللى هو اداهولى. هو حسسنى بأمان محستهوش قبله و لا بعده.
الخاله روعه فهمانه عليكى يا قلبى.
كندا و الدموع بعينيها انا من بعده بقيت وحيده و كمان مسئوله عن طفل صغير.
الخاله روعه ټحتضنها لا ما تقولى هيك و انا وين رحت. انتى من هلأ تعتبرينى امك و شو ما تحتاجى تحكيلى. رح ضلنى حدك عطول. و بعدين ما تنسى مازن هو شاب كتير طيوب و طالما صيرتى معه انتى و ابنك راح يعتبر حاله مسئول عنكن و يرعاكن.
كندا و الله يا خاله انا اول ما شوفته حسيت انه مغرور و انى استحاله اقدر اتعامل معاه بس بصراحه خلال الكام ساعه اللى قضيتهم فى بيته اتصرف تصرفات صغيره بس حسستنى انه راجل بجد. انا مكنش عندى اخوات و نفسى يكون هو اخويا.
الخاله روعه بنظره لم تفهمها كندا اي انشالله تكونوا قراب كتير لبعض.
جلست الخاله روعه مع كندا لمشاهدة التليفزيون و استأذنت قبل ميعاد رجوع مازن.
الخاله روعه انا صار لازم روح هلأ.
كندا ليه بس ما انتى قاعده معايا مسليانى بدل ما أقعد لواحدى.
الخاله روعه لا ما راح تضلى لحالك مازن هلأ بيجى. و انا صار لازم روح شقتى ارتاح شوي. اذا احتاجتى اى شي دقى على بابى انا بالبيت اللى قبالكن. و لو احتاجتى تروحى اى مشوار ممكن تتركى عمرو معى.
كندا ربنا يخليكى ليا يا رب.
الخاله روعه و يخليلى اياكى. سلام هلأ.
كندا مع السلامه.
الفصل السابع
عادت كندا إلى الداخل لتجد عمرو نائما على الكنبه فنقلته إلى غرفتهما و ذهبت إلى المطبخ تبحث عن أى شئ يمكن تحضيره للغداء و خاصة أن مازن اوشك على الوصول و هى تريد ان تفعل له أى شئ كرد لتصرفه الشهم معها فى الصباح و اهتمامه بإفطارها هى و عمرو. وجدت كندا أكياس مكرونه و وجدت بالفريزر هوت دوج فقررت عملت مكرونه بالهوت دوج اليوم مؤقتا حتى تطلب من الخاله روعه ان تذهب معها إلى السوبر ماركت و تحضر ما ينقص البيت. 
بعد انتهائها من تحضير الطعام قررت ان تأخذ حماما ساخنا لتريح اعصابها و لتستغل الوقت حتى عودة مازن لتوقظ عمرو و يتغذوا كلهم معا. فى الوقت الذى كانت كندا تأخذ حمامها الدافئ و مسترخية فى حوض الاستحمام وصل مازن من عمله مرهقا جدا. فذهب مباشرة إلى غرفته و بدل ملابسه بملابس مريحه يرتديها بالمنزل و ذهب مباشرة إلى الحمام. فى نفس الوقت وجد باب الحمام يفتح و خرجت كندا و سلمت عليه ثم توجهت إلى غرفتها و ايقظت عمرو بقبلات رقيقه على وجه ثم حملته و قررت ان تخرج ليتغذوا مع مازن.
كان مازن ينتظرهما فى الريسيبشن و مجرد ان رأهما خارجان من غرفتهما ذهب إليها و اخذ عمرو عنها و قبله و بدأ يلاعبه و يحدثه.
مازن انت صحيت يا عموره. تعالى بقى عشان نشوف هنجيب اكل ايه عشان نتغدى.
توجه إلى كندا بالحديث انا مرضتش اجيب اكل معايا و انا راجع من الشغل عشان مش عارف هتحبوا تتغدوا ايه و قولت لما ارجع نطلب دليفرى و نشوف لو عمرو مش هيناسبه الاكل انزل اشترى اللى تقوليلى عليه.
اخذت كندا تنظر له بدهشه فلم تعتقد انه بهذه الرجوله و الشهامه فهو يفكر بها و بعمرو و بكل شئ ليريحهما و يتعامل معهما بإهتمام و كأنهم اسرة واحده.
مازن قاطعا عليها حيرتها ها يا كندا مقولتليش تحبوا تتغدوا ايه عشان اطلبه.
كندا مبتسمه له بإمتنان لا يا سيدى انت مش هتطلب حاجه لان الغذاء جاهز و يا دوب بس احطه على السفره.
مازن بإستغراب ايه هى الخاله روعه قررت تغدينا النهارده كمان.
ضحكت كندا قائلة لا مش الخاله روعه انا اللى عملت الأكل بس ملقتش غير مكرونه فعملت مكرونه بالهوت دوج لحد ما ابقى اعمل شوبنج و اشوف ناقصنا ايه.
ظهرت السعاده على وجه مازن و لكنه اراد ان يمازحها فقال و يا ترى بقى بتعرفى تطبخى و لا كدا كدا هطلب دليفرى.
نظرت له بثقه قائلة هتذوق و تشوف ازاى هتاكل صوابعك ورا الاكل.
مازن ضاحكا ياللا الميه تكذب الغطاس.
حضرت كندا الطعام و جلسوا على السفره و بدأت تأكل و تطعم عمرو و اخذ مازن يتذوق الطعام الذى كان بالفعل شهيا.
مازن واو بجد تسلم ايديكى.
كندا مبتسمه الله يسلمك مش قولتلك.
مازن و الاعجاب باد على وجهه بصراحه مكنتش متفائل.
كندا ضاحكه ليه يعنى
مازن يعنى انتى صغيره و متوقعتش تكونى شاطره فى الطبخ كدا.
كندا انت ناسى انى كنت ست بيت و كان عندى زوج لازم ارعاه.
كلمات كندا سببت لمازن ألم لم يعرف سببه و تغيرت ملامح وجهه من الفرحه للڠضب. شعرت كندا بذلك و لكن لم تدرك السبب.
مازن بتريقه زوج .. اه زوج.
كندا بإستغراب قصدك أيه.
مازن خلاص مقصديش.
كندا لا مفيش حاجه اسمها مقصدكش. طالما قولت حاجه لازم توضحها.
مازن بصراحه بقى انا مش فاهم ازاى تتجوزى واحد فى سن ابوكى و لو انتى كنتى طايشه و صغيره و قبلتى تتجوزيه. ازاى هو يستغلك انتى عارفه انتوا لو كنتوا هنا و استاذك اللى فى سن ابوكى يبقى على علاقه بيكى كان اترفد من الجامعه و متعرفيش كان هيتبصله ازاى. دا انسان مقزز.
كندا بعصبيه شديده انت ازاى تتكلم عليه بالطريقه دى دا احسن منك و من عشره زيك. دا كان بيتجوزنى عشان يحمينى و عمره ما أساء ليا بأى شكل.
مازن بقرف و لما يتجوزك عشان يجدد شبابه يبقى بيعمل ايه.
كندا انت زودتها
اوى و مش من حقك اصلا تتدخل فى حاجه و اوعى