دنيتي اتغيرت بقلم مروة

و نمت إمبارح كويس أوى و كنت مرتاحه.
الخاله روعه الحمد لله يا بنتى. الله يريح قلبك و عقلك.
كندا مبتسمة بمراره يسمع من بقك ربنا يا خاله.
الخاله روعه شو ما بدك تسويلنا شاى.
كندا حالا.
الخاله روعه وينه الزغير.
كندا عمرو جوه فى الأوضه. هجيبهولك يقعد معاكى على ما أعمل الشاى.
احضرت كندا عمرو للخاله روعه التى اخذت تلاعبه و تهدهده. و بعد دقائق قليله عادة كندا بالشاى.
كندا اكيد عموره تعبك.
الخاله روعه لا يا قلبى بالعكس. يؤبر قلبى كتير طيوب و هادي.
ابتسمت لها كندا فرحة بإطرائها.
الخاله روعه حبيبتى الله بيعلم انى من اول ما شفتك و قلبى حبك و صرت بعتبرك مثل بنتى. فبدى إسئلك سؤال بس خجلانه كتير منك.
كندا لا يا خاله متتكسفيش منى. انا كمان ربنا يعلم من اول ما شوفتك ارتحتلك و حسيت ان انا و عمرو مش لواحدنا و ان لينا حد هنا.
الخاله روعه اكيد انا بدى كون حدكن عطول.
كندا مبتسمه خلاص اسئلى من غير كسوف.
الخاله روعه متردده انا كان بدى اسئلك ليش لتتجوزى رجال اكبر منك كتير بالعمر. كان اد بيك.
كندا عشان كدا بقى مكسوفه للدرجه دى. انا فاهمه ان أى حد طبيعى يستغرب و خصوصا ان مدحت كان متوسط الحال يعنى مش مطمع لبنت شابه. بس اللى فعلا عاوزاكى تعرفيه ان انا كنت محظوظه اوى ان مدحت يتجوزنى و انى كنت سعيده جدا معاه و هفضل لحد ما أموت شايله جميله فوق راسى.
الخاله روعه بصراحه يا بنتى ما عم افهم عليكى.
كندا هحكيلك القصه كلها و هتفهمينى و تحسى اد ايه مدحت كان انسان عظيم و يتحب. 
بدأت كندا تسرد للخاله روعه قصتها كامله.
كندا انا اتيتمت و انا طفله صغيره و جدتى هى اللى ربتنى. كانت هى كل حاجه ليا و كل أهلى و منعت أى حد من عمامى انهم يضايقونى او يتحكموا فيا و خصوصا انهم قاسيين جدا و مراتتهم مكنوش عاوزين يستقبلونى فى البيت. اكيد انتى فاهمه كل واحده كانت بتحس انى هقاسم أولادها فى حياتهم و فى رزق ابوهم.
الخاله روعه بتعاطف اي حبيبتى فهمانه عليكى. كملى.
كندا تيته بعدتنى عن كل دا و مسمحتش لحد انه يضايقنى او يسيطر عليا و حاولت تعوضنى بحنانها عن مۏت ابويا و امى. و فضلت هى اكتر انسانه قريبه منى فى الدنيا. و مكنش ليا اصحاب كتير لإن تيته كانت پتخاف عليا و حاسه ان الدنيا مبقتش امان زى زمان فكانت دايما قافله عليا من خۏفها. كبرت و دخلت كلية الأثار و كان مدحت الله يرحمه دكتور فيها. كنا كلنا بنحبه فرغم انه كان اكبر مننا بكتير لكن كان بيفهمنا و كان كانه صديق لينا و كان بيبقى دايما معانا فى الجولات اللى بنعملها للمناطق الأثريه. كان قريب لينا كلنا و عارف كتير عن حياتنا و كل حاجه و لما كنا بنحتاج لحاجه كان دايما جنبنا و بيساعدنا. مدحت كان بيعتبرنا كلنا ولاده و خصوصا انه متجوزش خالص فمكنش عنده اولاد. فى يوم و احنا فى جوله من الجولات جالى تليفون على الموبايل من عمى على غير العاده و قالى انى لازم ارجع لبيت جدتى بسرعه و انها تعبانه جدا. عرض عليا مدحت انه يوصلنى بعربيته عشان كمان منعطلش بقية الطلبه عن الجوله. لما وصلنا عرفت ان جدتى اټوفت.
بدات الدموع تتساقط منها رغما عنها
و لم تستطع التحكم فى نفسها. اقتربت الخاله روعه منها و اخذت تربت على كتفها حتى تهدأ.
الخاله روعه اهدى يا قلبى. ما تعملى هيك بحالك. كمان عمرو راح يبكى متلك.
بدأت كندا تهدأ.
كندا انا اسفه يا خاله بس لحد دلوقتى مش قادره اصدق انها سابتنى.
الخاله روعه هاد أمر الله.
كندا و نعم بالله. المهم مدحت كان معايا و سمع عمامى و هما بيقولولى ان كدا مينفعش افضل لواحدى و انى لازم اعيش عند حد منهم. طبعا انا كنت حاكياله قبل كدا ازاى انا مش واخده عليهم و محدش فيهم بيفهمنى و لا بيحبنى. انهرت و عيطت جامد و رفضت انى ابقى مع حد فيهم. تعبت ساعتها لان اعصابى مكنتش مستحمله و جابولى دكتور و قالهم انى على وشك ان يجيلى اڼهيار عصبى. و ڠصب عنى كنت پصرخ و ماسكه فى دراع مدحت و بترجاه انه ميسيبنيش اروح معاهم. هو كان الشخص الوحيد اللى حاسه انه بېخاف عليا. مدحت طلب منهم انه يتكلم معايا شويه و قالهم انه ممكن يقدر يهدينى و فعلا قعد اتكلم معايا.
الفصل السادس
اخذت كندا تتذكر حوارها مع مدحت.
مدحت كندا انا مش عارف اعملك ايه. يعنى عمامك بصراحه معاهم حق ان مينفعش تعيشى لواحدك.
كندا و هى تبكى دكتور ربنا يخليك متسمحلهمش ياخدونى معاهم انت متعرفش هم قاسيين عليا اد ايه.
مدحت بس انتى مينفعش تعيشى لواحدك انتى شابه صغيره و بنوته يعنى مينفعش كدا. حتى الناس مش هيرحموكى.
كندا مڼهاره يعنى انا ذنبى ان كل اللى ليا فى الدنيا ماتوا. يعنى اموت نفسى انا كمان عشان الناس ترتاح.
مدحت بنظرة حنان طيب الحل الوحيد اللى عندى بعد كلامك دا انى اخدك تعيشى معايا.
كندا مندهشه ازاى هما مش هيوافقوا طبعا. يعنى هما رافضين انى اعيش لواحدى هيوافقوا انى اعيش مع راجل غريب. استحاله.
مدحت هيوافقوا لو مبقتش غريب.
كندا ازاى يعنى
مدحت هو حل مچنون بس الحل الوحيد اللى جه على بالى. الطريقه الوحيده اللى اقدر ارعاكى بيها و اخد بالى منك انى ابقى جوزك.
كندا لم ترد لكن ملامح الدهشه على وجهها كانت ابلغ رد.
مدحت انتى بالنسبه لى هتكونى زى بنتى أو اختى الصغيره. دى وسيله بس عشان اقدر ارعاكى بيها و محدش يتحكم فيكى من عمامك لكن مش هيكون بيننا اكتر من كدا الا اذا انتى اللى طلبتى دا.
كندا انا مش عارفه افكر بصراحه بس شايفه ان فعلا مفيش قدامى حل تانى.
صمتت كندا قليلا ثم استفاقت على صوت الخاله روعه.
الخاله روعه كندا. كندا.
كندا ها.
الخاله روعه ما كملتى شو اللى صار. وافقوا عموماتك
كندا عارضوا فى الأول و خصوصا عشان فرق السن و طلبوا ياخدوا وقت يفكروا بس بعد ما كل واحد روح بيته و استشار مراته كلهم وافقوا تانى يوم و اتجوزت فعلا انا و مدحت. 
الخاله روعه لكن واضح ان ما وفى بوعده لإلك.
قالت الخاله روعه ذلك و هى تنظر لعمرو. ففهمت كندا ما ترمى إليه الخاله.
كندا لا وفى بوعده و كان بيتعامل معايا كأنى بنته أو اخته.
الخاله روعه و عمرو.
كندا مبتسمه هفهمك. مدحت فضل بيتعامل معايا زى ما يكون ابويا. و كان كل واحد فينا بينام فى اوضه لواحده و عمره ما حاول ابدا يضايقنى. كان بيساعدنى فى دراستى و مكنش بيتأخر عنى فى أى حاجه احتاجها. بالعكس دا كان دايما بيوفرلى اكتر كمان من اللى بحتاجه. بس مع الوقت حسيت فى نظراته بحب ليا بس مش حب أبوى. حسيت انه بيبصلى كأنثى. كانت نظراته فيها