أذناب الماضي أنا لها شمس من الفصل الاول إلى الخامس والعشرون بقلم روز أمين

قوي والله يا ابني ربنا يعلم أنا بعزك ازاي من وإنت لسه عيل صغير 
ابتسم لها بمحبة لتسترسل حديثها من جديد بملاطفة 
ما شاء الله عليك من صغرك وإنت ليك هيبة يا يوسف
يوسف إيه بس يا ماما قالتها تلك المراهقةتقى وهي تنظر إلى إبن عمها بعينين هائمتين لتكمل بصوت ناعم ودلال ظهر بين بنبراتها 
إسمه حضرة الظابط ولا إيه رأيك يا حضرة الظابط 
قالتها وهي تستند بفكها ونظراتها الحالمة لم يرق له نظراتها الهائمة التي تتطلع بها عليه لذا تجنب النظر إليها وتحدث إلى مروة باحترام 
طنط مروة تقول اللي هي عوزاهدي في مقام ماما
رمق أحمد شقيقته بحدة حين لاحظ نظراتها الولهة لابن عمه الشاب فاړتعب داخل الفتاة وتخشبت خشية من بطش أخيها ذو الطابع الحاد وخصوصا فيما يخص الأخلاق هم حسين بالحديث لينطق على استحياء 
ابوك كلمني إمبارح هو وستك وزعلانين منك يا يوسف 
طالعه باستغراب ليسأله برغم تيقنه من السبب 
خير يا عميوياترى زعلانين مني ليه!
برغم خجله وعدم اقتناعه بحديث شقيقه ووالدته لكنه استمر بالحديث لنقل وجهة النظر لا أكثر 
يعني علشان شكرت جوز أمك وأهله في المؤتمر وحتى مذكرتش إسم ابوك ولا جدك نصر الله يرحمه
وتابع بنظرات لائمة 
اللي كان يسمعك يقول إن ملكش عيلة وإنت عيلتك تسد عين الشمس يا يوسف وإسم جدك نصر البنهاوي كان بيتهز له شنبات
كان يستمع إليه وعلى وجهه ابتسامة ساخرة لينطق بعدما انهى الرجل حديثه 
أنا ذكرت فؤاد علام والباشا الكبير لأنهم أصحاب فضل بعد ربنا في كل اللي أنا وصلت له 
وتابع متسائلا بما أحرج الرجل 
لكن مع احترامي الشديد لحضرتك ومقامك عندي يا عميإيه اللي قدمه لي عمرو البنهاوي أو إسم البنهاوي ككل!
فهم ما يرمي الشاب إليه ومعه كامل الحقفنطق على استحياء
أنا فاهم قصدك كويس قوي يا ابنيأنا بنقل لك كلام جدتك وأبوك ومش عاتب عليك في النقطة دي
وتابع ملاما
بس اللي عاتب عليك فيه بجدهو عدم ردك عليهم في التليفون أبوك بلغني إنه بيرن عليك هو وجدتك من يوم المؤتمر وإنت مبتردش
استاء عند استماعه لذكر ذاك الموضوع وتذكر سباب تلك الشمطاء له ولوالدته فتحدث بحدة بالغة 
ياريت ما نتكلمش في الموضوع ده يا عمي ولا نفتحه لإني مش هود واتواصل مع اللي أذى أمي ودمرها لسنين طويلة وأظن حضرتك عارف كويس قوي عمرو البنهاوي والحاجة إجلال عملوا إيه في أمي
وتابع باستفاضة 
وعلى فكرة أنا رديت عليها إمبارح بعد إصرار عجيب منها وعشر إتصالات ورى بعض
طالعه الجميع باهتمام وبالأخص حسين ليتابع الآخر بوجه حاد 
بمجرد ما فتحت المكالمة لقيت سيل إهانة واتفتح في وشي يا قليل الأصل يا ناكر الخير والمعروف يا ابن أمك وكلام كتير وإهانات ليا ولأمي وأهلها يعجز لساني عن إعادة ذكرها قدامكم
اتسعت عيني مروة وهي تقول مستنكرة 
يادي العيبة كل ده قالتهولك جدتك إجلال! 
تخيلي قالها الشاب مذهولا ليتابع لعمه 
هي دي اللي حضرتك بتلومني علشان مبردش عليها! 
المفروض إني أرد كل ما تتصل علشان أسمع لي كل يوم وصلة تهزيق ليا ولأمي وتربيتها الناقصة ليا واللي مش عاجبة إجلال هانم!
تنهد الرجل باستسلام لما استمع إليه وتحدث متأسفا 
حقك عليا أنا يا ابني
وبرغم يقينه بفظاظة والدته واسلوبها السئ إلا أنه تحدث مجملا الوضع لتحسين صورة الجدة بأعين الأحفاد 
جدتك ست كبيرة في السن ومش لازم ناخد كلامها على إنه جد ونزعل منه فوت يا يوسف
بص يا عمي أنا معنديش أي مانع في إني أتحملها واتحمل ڠضبها وإھانتها ليا بحكم صلة القرابة والدم اللي بينا
وتابع بحسم لا يقبل المناقشة 
بس اللي عمري ما هقبله منها أو من اي مخلوق على وجه الارض هو إهانة أمي
وتابع متوعدا بأعين حادة
إيثار الجوهري هي خطي الاحمر واللي أمه داعية عليه يقرب منه 
لم يجد حسين لديه ما يمكن أن يقال ففضل الصمت ليتحدث أحمد بنبرة مرحة لتغيير مجرى هذا الموضوع المزعج 
إحكي لنا بقى يا حضرة الظابط إمتى فكرة المشروع دي جت لك وإزاي وصلت لاختراع بالعبقرية دي كلها
ابتسم ببشاشة وبدأ يتبادل الحديث مع نجل

عمله لينسجم الجميع وينضم
لاحظت جنة انشغال إبنة عمها التي تعبث في هاتفها بملل فسألتها بغمزة مازحة بعدما اقټحمت هاتف الفتاة بعينيها
متقلقيشممكن يكون مشغول وهيكلمك لما يفضى
انتفض قلب الفتاة وسألتها هامسة بنبرات مرتجفة وهي تبعد الهاتف عن أعين تلك المتطفلة
إنت بتتكلمي عن مين يا جنة
أجابتها بفطانة بصوت يكاد أن يسمع 
عن اللي عمالة تفتحي الماسينجر كل شوية وتبص على رسايلهولما متلاقيش جديد بوزك يتمد شبرين لقدام
وتابعت مستنكرة بمزاح
وبعدين مبتتواصلوش واتس ليه ده حتى مريح في الرسايل عن الماسينجر ده غير إنه آمان يا هبلة
ازدردت ريقها لتنطق نافية بصوت هلع 
إنت فاهمة غلط يا جنة ده أنا مستنية رسالة من واحدة صاحبتي هتقولي فيها عن مواعيد محاضرات بكرة 
بخبث وتركيز ردت عليها الفتاة 
وصاحبتك دي اسمها رامي كمالوحاطة صورة شاب بمجانس! 
تصبغ لون وجهها بالاصفر الكاري بعدما هربت منه الډماء لتكمل الأخرى لائمة 
إخص عليك يا زينة وأنا اللي كنت فاكرة إننا إخوات ومبنخبيش حاجة على بعض
ازاحت عينيها عن مرمى بصر الأخرى وهمست على استحياء 
هقول لك إيه بس يا جنة هي الحاجات دي تتحكي إزاي
همست الأخرى بحماس لتشجيع إبنة عمها 
طب ده أحلا كلام ممكن يتحكي عن الحاجات دي 
وتابعت بلهفة لمعرفة القصة 
هتحكي لي إمتى وتعرفيني على اللي اسمه رامي ده 
ابتسمت بخجل وتحدثت 
يوم الخميس هستأذن من يوسف وأجي أبات عندكم وهكي لك على كل حاجة
إنتوا عمالين توشوشوا بعض وتقولوا إيه! جملة نطقت بها إبنة السابعة عشر عاماتقى لتلكزها شقيقتها الكبرى قائلة 
إتلهي وخليك في النفخة اللي هتتنفخيها من أحمد لما نروح
طالعتها الصغيرة بعدم استيعاب لتتابعجنة مفسرة
علشان تبقي تبحلقي لابن عمك وتتنهدي قدام أخوكي يا أوكس إخواتك
ابتلعت لعابها وتحدثت معللة
وهو انا كنت عملت إيه يعني انا بتكلم مع ابن عمي عادي يعني
نطقت جنة مستنكرة 
الكلام ده إبقي قوليه لاخوكي يا حلوة
عاد يوسف وشقيقته إلى منزلهما بعد قضاء سهرة لطيفة مع عائلة عمه توجه للداخل وارتمى فوق الأريكة المتواجدة داخل البهو ألقى برأسه للخلف مستندا على ظهر الاريكة وأغمض عينيه ليحصل على بعضا من الاسترخاء جاورته الجلوس لتسأله بعدما رأته على هذا الحال 
مالك يا يوسف 
ظل على حاله وأجابها بصوت واهن 
مفيش يا حبيبتي
سألته باهتمام 
مفيش إزاي هو أنت فاكر إني مش واخدة بالي
وتابعت بتأثر 
أنا عارفة إن بيسان متقدم لها عريس 
رفع عينيه يناظرها باستغراب لتتابع مسترسلة بحيرة 
بس اللي انا مستغرباه إنها موافقة عليه!
وإنت مين اللي قال لك الكلام ده!
تاج كانت مكلماني من كام يوم تطمن عليا والكلام جاب بعضه 
سألها محولا مجرى الموضوع 
من إمتى إنت وتاج بتتكلموا! 
بهدوء واستفاضة أجابته 
من ساعة ما روحت معاك عندهم لما أبو بيسان عمل معاك مشكلة وانا تعبت هناك من وقتها وهي متغيرة معايا خالص
وتابعت بابتسامة خجولة 
تقريبا كدة صعبت عليها
ابتسامة هادئة ارتسمت على جانب ثغره لتنطق مستطردة 
متغيرش الموضوع يا يوسف
مفيش موضوع أصلا علشان أغيره يا زينة قالها بلامبالاة ليتابع مستشهدا بحديثها 
وأديكي إنت بنفسك لسه قايلة إنها موافقة
يعني كده خلصت انهى حديثه بحركة مسرحية من كفاه
همت بالحديث ليوقفها قائلا 
زينة الموضوع انتهى مش عاوز أي كلام فيه بعد النهاردة
يا يوسف قالتها بلهفة ليرمقها بنظرات ڼارية ناطقا بتحذير 
زينة
صمتت وأنزلت رأسها تنظر للأسفل فسألها لتغيير الموضوع 
عاملة إيه في الجامعة
الحمدلله قالتها بهدوء لينطق مستطردا 
فيه حد بيضايقك بسبب الموضوع إياه 
نفت سريعا 
خالص بالعكس كل زمايلي متضامنين وفرحانين باللي حصل في العيال الژبالة دي
واكملت وهي تطالعه بفخر
وبعد ما شافوك في المؤتمر وعرفوا إنك أخوياالكل بيحاول يتقرب مني وبيعاملوني حلو قوي
سعد بشدة لثقتها التي ازدادت بعدما حدثعكس ما كان يتوقع تماما من انتكاسةلكنه تفاجأ بما حدثابتسم ونطق يثني عليها وهو يتحسس وجنتها بحنان بالغ
إنت جميلة في كل حاجة يا حبيبتي وكون إن الناس تحاول تقرب منك ده شيء طبيعي
شعرت بروحها تحلق بالسماء وعززت كلماته ثقتها بنفسها أكثر 
وقف منتصب الظهر وتحدث
هقوم أخد شاور يفوقني علشان ورايا مذاكرة كتير
وقفت تقابله لتنطق بمرحا جديدا على شخصيتها 
إيه رأيك على ما تخلص الشاور بتاعك أعصر لنا كام برتقالة نشربهم مع بعض في البلكونة
طالعها مستغربا التطورات التي طرأت على شخصيتها حديثا ونطق بحبور ظهر بعينيه 
وانا يا ستي موافق
ابتسمت بسعادة لتخطو مهرولة إلى المطبخ تحت نظرات يوسف المشيعة لها 
بعد مدة كان يحتسي مشروبه بصحبتها داخل أجواء مليئة بالألفةاخرجه من اندماجه معها بالحديث صدوح رنين هاتفه ليرد بسرعة عندما وجده فؤاد الذي نطق 
ازيك يا يوسف
اجابه موقرا 
انا بخير يا باشا طمني عليك وعلى ماما واخواتي
كلنا تمام يا حبيبي قالها برزانة ثم صمت لثواني قبل أن يتابع مسترسلا بسؤال 
يوسف كنت عاوز أسألك عن حاجة وأتمنى تجاوبني بصراحة
قطب جبينه ليسأله متعجبا 
ومن إمتى وانا بكذب عليك يا بابا!
اجابه نافيا 
أنا مجبتش سيرة الكذب يا يوسف
نطق الأخر رافعا عنه الحرج
اتفضل حضرتك إسأل وانا هجاوبك زي ما اتعودنا بمنتهى الصراحة
انسحبت الفتاة للداخل تاركة لشقيقها المجال للتحدث بحريةنطق فؤاد مستفسرا 
إيه اللي حصل بينك وبين بيسان ووصل الأمور للدرجة اللي تخليها توافق على الجواز من راجل غيرك بعد ما كانت بانية كل أحلامها على وجودك!
وحضرتك مسألتهاش هي ليه
سألتها طبعا 
ويا ترى قالت لحضرتك إيه 
سؤالا فضوليا وجهه إلى أبيه الروحي ليجيبه فؤاد بحيرة 
أنكرت وقالت مفيش حاجة حصلت علشان كده جيت سألتك
تنهد پألم فاسترسل فؤاد 
يا ترى إنت كمان هتحكي لي ولا هتنكر زيها
اجابه بثقة 
لو أعرف حاجة أكيد كنت هقولها لحضرتك
سأله بحدة 
معناه إيه كلامك ده يا يوسف! 
أجاب الشاب بصوت جاهد ليخرج بتلك النبرة الهادئة 
معناه إني معرفش أي حاجة يا بابا أنا وبيسان شوفنا بعض بالصدفة في مزرعة الخيول من حوالي اسبوعين أو أكتر وقضينا وقت ولا أروع
وتابع بحسرة لم يستطع تخبأتها 
فجأة ماما اتصلت بيا قبل المؤتمر بيوم وقالت لي على اللي حصل من بيسان والكلام اللي قالته لها 
تألم فؤاد لسماعه لذاك الحديث وبنفس الوقت لم يستطع إلقاء اللوم على زوجته فهي تخشى على صغيرها وتريد تعزيزه ليتابع الفتى مسترسلا 
هي دي كل المعلومات اللي عندي والباقي كله عند بيسان 
تنهد فؤاد وسأله 
محاولتش تسألها إيه السبب ورى قرارها المتهور ده!
خلصت يا بابا قالها بنبرات وصل تأثرها إلى فؤاد أخذ الفتى نفسا مطولا ثم تابع حديثه 
هي قررت واختارت الراجل اللي يناسبها
وتابع بثبات وعزة نفس 
وأنا أكيد هلاقي البنت اللي تشتريني وتناسبني
نطق بلوم تجلى بحروفه 
يا خسارة يا يوسف كنت فاكرك محارب
لو كانت شرياني كنت حاربت الدنيا كلها علشانها وتابع بغصة وقفت بمنتصف حلقه 
لكن أنا إتباعت بالرخيص يا بابا وأمي اتعايرت بيا من أكتر بنت حبتها وأتمنيتها وإهانتي منها ومن ماجد كوم
صمت لبرهة وتابع بتحدي وعڼف ظهر بصوته 
وإن أمي حد يمس كرامتها بكلمة واحدة دي عندي كوم تاني يا باشا
لم يجد في